Ecouter en direct

l'actualité en Balagne avec Corse net infos

L’ostrice, un ghjuvellu di a ricerca à l’Università di Corsica / CNRS
1 photo disponible

L’ostrice, un ghjuvellu di a ricerca à l’Università di Corsica / CNRS


Calvi

Par

Le 22 Juillet 2019


Dapoi u 2013, face parte di i sughjetti di primura di a ricerca nant’à a pesca à l’Università di Corsica / CNRS : ammaestrà l’ostrice nustrale di u stagnu di Diana, nant’à a costa urientale.
Dopu à quattru anni di travagli à Stella Mare, laburatoriu di l’Università di Corsica è di u CNRS, sò riesciuti i cercadori à ammaestrà, in u 2017, a ripruduzzione di sta spezia. Vene stu successu scentificu da e sperimentazione fatte nant’à sta piattaforma dedicata à l’ingenieria marina è liturale in u Mediterraniu, in cullaburazione stretta cù l’ostreicultori corsi. U scopu di stu prugramma : si tratta di cunnosce megliu l’ostrice nustrale, quand’ella face l’ovi, u so modu di campà, e so tecniche d’al- levu è u so ciculu di ripruduzzione.


Bisogna à dì ch’ella hè tamanta a scumessa, nanzituttu d’un puntu di vista patrimuniale è per man- tene a biodiversità. Scempiata assai da l’eccessi di a pesca è da i parasiti à u seculu scorsu, l’Ostrea edulis, a sola spezia endemica in Europa, cunnisciuta è barrattata in Corsica da l’Antichità rumana, hè stata dannighjata assai. Risultatu : minacciata di smarrisce, hè stata rimpiazzata à pocu à pocu da l’ostrice ciotta giappunesa, à tal’puntu ch’ella raprisenta oghje solu 5 % di a pruduzzione ostreicula in Francia.


I travagli messi in ballu à Stella Mare contanu avà di rinvivisce sta spezia prisente soprattuttu nant’à a costa Atlantica è in Corsica. Di fatti, si face avà un’introduzzione inde l’ambiu marinu di vermi d’os- trice piatta prudutti da a quadra di u laburatoriu. Dapoi e so prime pruduzzione di larve in u 2014, di modu sperimentale sò state introdutte à u stagnu di Diana centinaie di ghjuvanili d’ostrice, nati à Stella Mare inde cundizione bunissime di timperatura, di lume è di qualità di l’acqua. Sti pochi anni, hè sempre di più impurtante a pruduzzione fatta trà i muri di u laburatoriu, chì hà francatu, di 2018, u zogliu simbolicu di un milione d’individui.


« Avà chì avemu propiu a maestria di u ciculu di ripruduzzione, cercanu i nostri studii à uttimizà a pruduzzione di vermi è à megliurà e pratiche culturale inde u stagnu, spieca Jean-José Filippi, inge- niere di ricerca à Stella Mare. U tassulu di sopravvita hè oghje vicinu à 30 %, di fatti s’avvianu avà i nostri travagli ver’di u studiu di u cumpurtamentu di l’ostrice inde l’ambiu è a megliurazione di u so nutrimentu per buscà ci e cundizione d’allevu e più bone ».
Oghje ghjornu, più di 50 000 ostrice esciute da u laburatoriu di ricerca sò ghjunte à maturità inde u stagnu di Diana, nant’à a costa urientale di a Corsica, è ponu esse cummercializate. A prossima tappa : devenu esse pruposti à u sindicatu di l’acquacultori circa un milione di larve, nant’à i trè milioni nati à Stella Mare in u 2019. « Si tratta oramai di trasferisce a nostra tecnulugia per una pruduzzione è una valurisazione più impurtante, face sapè Sonia Ternengo, rispunsevule di stu prugramma di ri- cerca. L’interessu di sti travagli hè nanzituttu di prutege a spezia ma dinù di priservà l’attività ecuno- miche chì sò in giru ».


U cuntestu face chì sò belle più impurtante chè cusì ste ricerche in giru à l’Ostrea edulis. Sti pochi anni, si sò avvisti l’ostreicultori chì murianu assai l’ostrice ciotta per via di l’herpès virus chì culpisce e so populazione quand’ella cresce a timperatura di l’acqua. In fatti, hè più minima a so capacità di ripruduzzione, ma hè bella più resistante l’ostrice nustrale. D’appressu à e ricerche fatte à l’Univer- sità di Corsica / CNRS, si tene parechji vantaghji sta spezia : al di là di a so qualità gustosa, chì li hà permessu di buscà si parechje medaglie d’oru à u cuncorsu generale agricule di Parigi, hà l’Ostrea edulis una funzione ecosistemica chì li permette di filtrà è di sminuisce e cariche pulluante inde u mare.


Un vantaghju tamantu per l’ostreicultori chì anu fattu a scumessa di rilancià l’ostrice nustrale è chì sò assai attenti à sta spezia endemica, puru s’ella raprisenta sempre una parte minima di a so pru- duzzione. Sfruttadore di u stagnu di Diana dapoi l’annu novanta, si hè impegnatu assai inde stu pru- gettu Bernard Pantalacci, subbitu ch’ellu hè statu iniziatu, è racoglie oghje i primi frutti di stu trava- gliu longu è fattu cù minuzia cù a squadra di Stella Mare.

« Ste ricerche ùn ci anu solu permessu di rilancià un pruduttu identitariu chì hè u simbolu di u stagnu, spieca l’ostreicultore. Sò state dinù un arnese tremendu da fà ch’è no possimu avè un’attività più diversa è sminuisce u risicu di pettu à l’ostrice chì hè tocca da a malatia. Inde un cuntestu di cambia- mentu di l’ambiu, chì hà assai effetti nant’à e cundizione di ripruduzzione, u fattu d’avè un’attività più diversa hè dinù un obligu per pudè mantene a nostra attività ».

Da crede ch’elli appiinu trovu l’ostreicultori corsi u ghjuvellu di u stagnu di Diana.



Plus d'informations, cliquer ici

Partager cette actualité avec mes ami(e)s sur Facebook !


RETOUR

Autre actualités pour Calvi :
L’Université de Corse reçoit une aide de plus de 7 millions d’euros pour son projet Uniti

Le 27 Juin 2025

Lancé il y a deux ans par l’Université de Corse, le projet Uniti vise à accompagner la transition durable des territoires insulaires méditerranéens. Ce programme structuré autour de trois axes vient d’être reconnu par l’État dans le cadre de France 2030, avec à la clé une aide de plus de 7 millions d’euros. Ce jeudi, le préfet de Haute-Corse, Michel Prosic, était sur le campus pour remettre officiellement la plaque au président de l’université, Dominique Federici.

Radio Calvi La Collectivité de Corse réforme son administration pour la rendre plus performante

Le 27 Juin 2025

Lors de la session de juin de l’Assemblée de Corse, l’Exécutif a présenté sa réforme de l’administration et le nouvel organigramme de la Collectivité de Corse. Un organigramme resserré sur les objectifs stratégiques. Avec comme objectif affiché : rendre l’institution plus performante, plus réactive et mieux à l’écoute des besoins et des attentes des Corses. L’opposition salue « un pas franchi », mais attend d’en juger les résultats.

Radio Calvi Après la vague d’incendies des bateaux de promenade, l’Exécutif corse veut mieux encadrer le secteur

Le 27 Juin 2025

Alors que ces dernières semaines plusieurs navires appartenant à des sociétés de promenade ont été incendiés sur l'île, Serena Battestini de Core in Fronte a profité de la séance de questions orales de ce jeudi pour remettre en exergue les tensions et pressions qui frappent ce secteur. En réponse, le président de l'OEC a assuré que l'Exécutif est mobilisé pour accompagner "un changement de trajectoire" afin de mieux encadrer et réguler ces activités.

Radio Calvi A màghjina : Spuntà u sole nant’à Miomu

Le 27 Juin 2025

Cette image du lever de soleil sur Miomu est magnifique : la lumière dorée effleure doucement la mer, tandis que les silhouettes de la tour et du palmier emblématiques de l'endroit, se détachent dans une ambiance paisible et presque intemporelle. L’instant saisi par Sabrina Mariani, évoque à la fois la force tranquille de la Tyrrhénienne et la richesse patrimoniale de ce coin de Corse.

Radio Calvi U tempu in Corsica

Le 27 Juin 2025

Le temps est à la canicule en Corse, placée en vigilance jaune avec des températures, très chaudes le matin, qui vont atteindre jusqu'à 36 degrés voire plus l'après-midi.

Radio Calvi
Autres actualités :